Bertoko produktu ekologikoak etaoinarrizko elikagaiak batzen dituen denda gara,
herriko beharrizan guztiak asetzeko asmoagaz.
Establezimendu horrek aurreko jabearekin eskaintzen zuen zerbitzuarekin jarraitzea eta Zeberioko biztanleei hurbileko produktuak erosteko aukera eskaintzea proposatu zen, udalerrian ezaugarri horiek dituen establezimendu bakarra baita. Tokiko produktuetan eta produktu jasangarrietan zentratzen gara, dendak ingurumena errespetatzen duten nekazaritza- eta merkataritza-jardueretan lagundu dezan.
Horren barruan sartzen da karbono aztarna murriztea, produktuen garraioa eta praktika ekologikoen erabilera minimizatuta. Komunitatea sustatu eta denda herriko biztanleentzako topagune bihurtzen dugu, ekitaldi komunitarioak egiteko gune bat eskainiz. Horrek lotura komunitarioak indartzen eta pertenentzia-sentimendua sortzen laguntzen du.
Gure dendeak 0KM-ko eta produktu agroekologikoen onena (marmeladea, ogi artisaua, barazkiak eta gaztak) eta funtsezko supermerkatu baten eskaintza osoa (arrautzak, hestebeteak, oilaskoa eta esnekiak) batzen ditu. Gure helburua herriko merkataritza-hutsunea betetzea da, bizilagunek eguneroko erosketak herritik urten barik egin ahal izateko. Horrela, herri-loturea indartzen dogu eta garraioak sortutako CO_2 emisioak %70eraino murrizten doguz.
Gure negozioaren bitartez, landa-eremuen garapena bultzatzen dogu, genero-berdintasuna eta EAEko hazkunde ekonomikoa sustatuz. Ekonomia zirkularraren aldeko apustua egiten dogu (murriztu, birerabili eta birziklatu), elikadura osasuntsua, segurua eta modu jasangarrian ekoiztutakoa denon eskura jarriz. Tokiko lehen sektoreari laguntzea da gure motorra, bizi-kalitatea hobetzeko eta gure komunitatea kohesionatzeko.
Merkataritzea hartu-eman humanorako espazio lez ulertzen dogu; horregaitik, arreta pertsonalizatua, enkargu bereziak eta WhatsApp bidezko eskaerak lako erraztasunak eskaintzen doguz. Mugikortasun mugatua dabenentzako etxerako zerbitzua dogu, eta herri-bizitzara egokitutako ordutegiak. Gainera, prezio-politika bidezkoa aplikatzen dogu: oinarrizko produktuetan (frutea eta ogia, esaterako) marjina txikienak mantentzen doguz, erosketa-saskia denon eskura egon daiten, ekoizle eta dendarientzako bidezko soldatea bermatuz beti.
Zeberioko baserrietako produktu ekologiko eta 0km-koak batzen ditugu gure apalategietan: arrautzak, gaztak, sasoiko barazkiak eta ogi berria. Baina horrez gain, zure eguneroko erosketak herritik urten barik egin ahal izateko behar duzun guztia daukagu: haragiak, esnekiak, drogeria eta supermerkatuko oinarrizko gaiak.
